白金會員登入即享額外85折 $450免費送貨

【曲奇食譜】材料包 – 法式杏仁脆片

Name: 【曲奇食譜】材料包 - 法式杏仁脆片
SKU: RECCOKALL01
Availability: InStock

HK$148 – HK$196

組合優惠
買任何2款材料包，即享95折，3包或以上85折

會員優惠
加入會員，額外5%回贈

—

每份材料包可以製作約 35-40塊直徑7厘米薄脆片

材料包有齊呢個食譜所需要嘅烘焙材料及工具，但不包括以下自備物品。

須自備烘焙材料或工具:

L碼雞蛋 2隻 (由於運送安全考慮，請自備雞蛋)
焗盤 (可以喺下面或者落單時加購)
打蛋器 (可以喺下面或者落單時加購)
刮刀 (可以喺下面或者落單時加購)
麵粉篩 (可以喺下面或者落單時加購)

烹調方式

焗爐

分類: 烘焙材料包

描述
評價 (0)

曲奇食譜系列

材料包 – 法式杏仁脆片

#gap-439701308 {
padding-top: 30px;
}

呢一款餅乾喺法國同日本非常流行，但喺香港就唔太普及，唔喺好多人知道，而家就快啲黎試下佢有幾好食啦！做法仲好簡單，烘焙新手都絕對無問題！

杏仁薄脆片 Almond Tuile，法文喺Tuiles aux Amandes。Tuile喺瓦片嘅意思。傳統上一出爐就即刻將脆片摌起到彎型嘅模具上放涼定型，造型就好似屋頂上嘅瓦片。酥、香、脆嘅口感加上杏仁香氣，絕對會令人想食完一塊又一塊，停唔到口。今次製作嘅喺簡易版，喺平面嘅杏仁脆片，只要用簡單嘅工具就可以做到，適合烘焙新手！

杏仁薄脆片一般有幾種做法，有一種用麥芽，成品會好似蕾絲咁見到一條條紋，但喺因為偏硬、會比較有咬口同埋痴牙，所以唔喺太啱香港人嘅口味。另一種就喺今次介紹嘅脆卜卜杏仁薄脆片。食譜嘅配方上，我哋用全蛋白製作，同好多其他食譜用全蛋液唔同，我哋想避免用到蛋黃，因為蛋黃嘅油脂會令成品無咁卜卜脆，相反全蛋白製作就可以更加脆口。另一方面，我哋油脂選用咗菜油，健康有營養之餘又唔會搶走杏仁嘅香味。最後要介紹嘅當然就喺杏仁薄脆片嘅重點 — 杏仁碎粒，一般嘅薄脆片都喺用杏仁片而唔喺杏仁碎粒，但喺因為製作嘅時候杏仁片會好容易疊埋一齊，變到厚左，咁做出嚟就唔會咁脆卜卜㗎啦！

材料包入面嘅圓型焗爐紙同埋透明密封罐都喺我哋嘅貼心配備，因為考慮到唔同各位可能有唔同大細嘅焗盤，製作時可能會遇到大小不一嘅問題，直接影響成敗。圓型焗爐紙可控制住麵糊嘅厚度同大小，亦配合透明密封罐嘅大細，岩岩好可以裝入杏仁薄脆片。香港天氣咁潮濕，想保持住脆卜卜一定要存放喺密封罐，唔易碎之餘包裝又得體，仲可以送俾人添。成品可以存放喺密封罐大約2-4日，當然最好當日食啦！

#gap-1745226450 {
padding-top: 15px;
}

購買材料包後可以睇到獨家額外圖片 / 影片教學!

如果您對呢份餅乾食譜有任何問題，可以隨時喺 Whatsapp 或者 Facebook 聯絡我哋，我哋會盡力幫您！

#gap-70258581 {
padding-top: 15px;
}

杏仁脆片食譜 / 材料包內容

烘焙食材

L碼雞蛋 (唯一不包括在材料包的材料，請自備)
昭和製粉香格里拉低筋麵粉
Valrhona 100% 無糖可可粉 (製作原味可省略)
美國 Nielsen‧Massey Vanillas 純天然雲尼拿醬 (含雲尼拿籽)
Chocovic 黑朱古力釘 (製作原味可省略)
藍鑽石牌杏仁碎粒
韓國白砂糖
沖繩琉球島鹽
威臣純菜油

烘焙工具

圓型焗爐紙約40張
透明密封罐1個
焗盤 (不包括在材料包內，可以喺下面或者落單時加購)
打蛋器 (不包括在材料包內，可以喺下面或者落單時加購)
刮刀 (不包括在材料包內，可以喺下面或者落單時加購)
麵粉篩 (不包括在材料包內，可以喺下面或者落單時加購)

#gap-267171226 {
padding-top: 15px;
}

杏仁薄脆片食譜做法

預備雞蛋（建議L碼雞蛋），放喺室溫解凍30分鐘
將蛋白分離到大碗，唔小心有少少蛋黃都無所謂（呢個食譜唔需要蛋黃，可以留起遲啲煮其他野）
倒入調味料A，用打蛋器打匀
倒入粉類B（建議用麵粉篩，篩走粗糙麵粉，令麵粉更細緻），用打蛋器打匀至順滑無粒（如果仲有粉粒可以用匙羹或者刮刀慢慢壓匀）
倒入菜油C，用打蛋器打匀
倒入杏仁粒D，用打蛋器打匀
蓋上保鮮紙，放入雪櫃冷藏（1-4°C）至少30分鐘，吸收杏仁粒味道
預熱焗爐150°C
用匙羹將少量麵糊放喺圓型焗爐紙上面（約五蚊大細），預備一細碗清水，手指沾水，用手指將麵糊輕輕壓平至薄片，每塊嘅厚度盡量保持一致
放入已預熱150°C嘅焗爐，焗約12分鐘 (烘焗時間視乎每個焗爐不同)，焗到金黃色就可以啦，如果某幾塊顏色已變深，快啲拎起灘凍，其餘顏色唔夠，再焗多一分鐘，重覆測試
出爐後灘凍，之後密封保存，就可以保持住脆卜卜！
*食幾多焗幾多，未焗既麵糊可以用保鮮紙包住，可放入雪櫃冷藏保存（1-4°C）約5日

#gap-1015098949 {
padding-top: 15px;
}

Baking Ideas 烘焙材料包

無論您喺烘焙新手定專家，都需要可靠、穩定嘅食譜先可以發揮水準，做出好味嘅成品。Baking Ideas 嘅顧問團隊持有法國藍帶廚藝學校的麵包及甜點專業証書，我哋提供嘅食譜大多數以法國以及日本嘅風格為基礎，參考世界各哋著名廚師嘅意見改良，再根據香港人嘅口味作出調查，每一份食譜都經過我哋親自測試，份份都喺心機之作!

Baking Ideas 嘅宗旨喺希望所有人都可以享受烘焙嘅樂趣，我哋嘅烘焙材料包就喺專門為烘焙新手同埋忙碌嘅香港人而設。一份材料包基本上有齊每個食譜需要嘅材料，直接送到您屋企。您唔需要再拎住網上唔知邊度搵到嘅食譜，去烘焙店左一袋右一袋咁買材料，比較少下廚嘅朋友仲要擔心買完嘅材料用唔灑會浪費，焗出黎又唔知成唔成功。只要跟住Baking Ideas嘅烘焙材料包，就算喺無任何烘焙經驗嘅朋友，都可以做出大師級嘅水準!

#gap-1379713609 {
padding-top: 15px;
}